Literaturforum - Kurzgeschichten, Erzählungen, Romane, Gedichte - Bücher und eBooks

Widdä maa kaan Schnee –
ach nee!

Des is doch e Schand,
dess mer hier im Land

Mach kann, was mä will,
Weihnachte is vill leicht still,

abbä was aam werklich fehlt,
was aan in de Seele queelt:

wo bleibt dann des ville Weiß?
So’n Sch…

Nee, des Word will isch nett saache,
wenn mich aach die Sorche blaache.

Kammer aach die Schie nett nemme,
braucht mä trotzdem nett zu flenne.

Muss mä halt was annäst mache,
gibt ja aach noch annre Sache.

Beispielsweise wäre des schee,
einfach maa spaziere geh.

Kammer sisch aach kaa Haxe breche.
Un schlechde Laune duud sisch räche!

Also seid recht frohgemuud,
im Grüne feiern duud aach guud.

All die Weddä-Kabriole,
die soll doch de Deibel hole.

Lasst euch bloos nett unnerbuddän,
könnt ja fuddän wie bei Muddän.

Des mächt doch aach guude Laune.
Hört paa Lieder mit Posaune,

Mussik, die duud immä guud,
aach wenn kaan Schnee lije duud.

Odä geht maa ins Ballett,
die Tänzer finne dess recht nett.

Aach ins Kinno iss net schlecht,
den Betreibern isses recht.

Nur nett in die Glotze glotze,
was da kimmt iss oft zum Ko…

Also jetzt is abbä Schluss,
so e Word nett komme muss.

Weil mir wolle freelisch sei,
villeischt sogaa richtisch high.

Denn jetz kimmt die guude Zeit,
wo mä sisch des Lebens freit.

Hockt euch zusamme, friedlich still,
aach wenn de Schnee nett komme will.

Ich wünsch Euch all paar scheene Dache
un en recht stabile Maache,

Gaa kaan Kummer un kaa Sorche
un vill Freud am neue Morche.

Bis annei ins neue Jaa,
des is ja so guud wie da.

Für zwei – zwansisch alles beste,
villeischt komme nedde Gäste.

Villeicht nett, was waas dann isch,
wer da sitzt an euäm Tisch.

Wollt euch nett mit Vorschläch plaache,
einfach „frohe Weihnacht“ saache,

un, na klaa, en guude Rutsch.
Isch setz misch jetz in die Kutsch.

Naa, des wird doch nett gemacht,
habs wechem Reim nur so gesacht.

Abbä nochmals: Alles guude,
in unn außähalb der Bude.

Unn jetz werklich wahr ihr Leut:

Dess waas!

Für heut.

Das ist ja köstlich :)!